ဖာပွန်မြို့ဗုံးပေါက်ကွဲမှု ကေအဲန်ယူလက်ချက်ဟု နအဖထုတ်ပြန်
ဒီဇင်ဘာလ ၁၈ရက်။ စောသိန်းမြင့် (ကေအိုင်စီ)
ကရင်ပြည်နယ် ဖာပွန်မြို့၌ ဒီဇင်ဘာလ ၁၆ရက်နေ့က ကျင်းပပြုလုပ်သည့် ကရင့်နှစ်သစ်ကူးနေ့ပွဲတော်တွင် ဗုံးပေါက်ကွဲမှု ဖြစ်ပွားရာ ၎င်းသည် ကရင်အမျိုးသားအစည်းအရုံး (ကေအဲန်ယူ)၏ လက်ချက်ဖြစ်သည်ဟု နအဖမှ ယမန်နေ့က သတင်း ထုတ်ပြန်ခဲ့သည်။
ဖာပွန်မြို့၊ အမှတ်(၂)ရပ်ကွက်ရှိ အခြေခံပညာအထက်တန်းကျောင်းရှေ့ ကွင်းပြင်၌ ကျင်းပပြုလုပ်သည့် ၂၇၄၉ခုနှစ်မြောက် ကရင်နှစ်သစ်ကူးပွဲတော်တွင် အဆိုပါ ဗုံးပေါက်ကွဲမှုကြောင့် အရပ်သား ၇ဦးသေဆုံးပြီး အမျိုးသား ၁၀ဦး၊ အမျိုးသမီးတဦး ထိခိုက်ဒဏ်ရာရရှိခဲ့ကာ အဆိုပါမိုင်းထောင်သူမှာ ဖာပွန်နှင့် နယ်စပ်ဒေသကြားတွင် လှုပ်ရှားလျှက်ရှိသည့် ကေအဲန်ယူအဖွဲ့မှ ဖြစ်ကြောင်း နအဖ စစ်အစိုးရပိုင် မြန်မာ့အလင်းသတင်းစာတွင် ဖော်ပြသည်။
သို့သော် ဗုံးပေါက်ကွဲမှုသည် ၎င်းတို့နှင့် ပါဝင်ပတ်သက်မှုမရှိသည့်အပြင် ယင်းသို့လုပ်ဆောင်ရန်လည်း မည်သည့်ညွှန်ကြားမှု တစုံတရာမှမရှိကြောင်း ထိုဒေသတွင် လှုပ်ရှားနေသည့် ကေအဲန်ယူ တပ်မဟာ (၅)မှ ပြောရေးဆိုခွင့်ရှိသူ ဗိုလ်မှူးစောကလယ် ဒိုက ပြောသည်။
သူက “ဗုံးပေါက်ကွဲတယ်လို့တော့ ကျနော်တို့ ကြားပါတယ်။ ဘယ်လိုပုံစံနဲ့ စတင်ပေါက်ကွဲခဲ့သလဲဆိုတာ ကျနော်တို့မသိဘူး။ အဲဒီပေါက်ကွဲမှုနဲ့ပတ်သက်ပြီးတော့ အောက်ခြေတပ်ရင်း၊ တပ်ခွဲတွေကို လှမ်းမေးကြည့်တော့ ဘယ်သူမှလည်း သွားလုပ်တာ မရှိသလို ကျနော်တို့ဘက်က သွားပြီးလုပ်ပါလို့လည်း ဘာညွန်ကြားမှုမျိုးမှ ကျနော်တို့မှာ မရှိပါဘူး။ အခုဖြစ်တာက နအဖရဲ့ အုပ်ချုပ်မှုဂွင်မှာဆိုတော့ စဉ်းစားစရာတခုတော့ ဖြစ်တာပေါ့နော်”ဟု ကေအိုင်စီကို ပြောသည်။
ထိုနေ့ည ၉နာရီ ၁၀မိနစ်ခန့်တွင် ပွဲတော်အတွင်းရှိ အ၀တ်အထည်များနှင့် ကလေးကစားစရာ ပစ္စည်းများ ရောင်းချသည့် ဈေး ဆိုင်တန်းမှ ပေါက်ကွဲမှုဖြစ်ပွားခြင်းဖြစ်ပြီး ထိုနေရာတွင် အနက် ၁လက်မ၊ အချင်း ၉လက်မခန့်ရှိ မြေကျင်းတကျင်း ဖြစ်ပေါ်ခဲ့ ကြောင်း ဈေးဆိုင်တန်း ၀ါးလုံးများ၌ အချင်း ၅မီလီမီတာခန့်ရှိ သံမဏိဘောစေ့များကို တွေ့ရှိရကြောင်း၊ မိုင်းထောင်သူအား ဖမ်းဆီးရမိရေးကို ဆက်လက်စုံစမ်းနေဆဲဖြစ်သည်ဟု မြန်မာ့အလင်းသတင်းစာတွင် ဖော်ပြထားသည်။
ကရင်လူငယ်တဦးဖြစ်သူ စောဆာထီးကော်က “အမှန်ဆိုရင် ဒီလို နေ့ထူးနေ့မြတ်မျိုးမှာ ဘယ်ကရင်အဖွဲ့အစည်းကမှလည်း ကိုယ့်နှစ်သစ်ကူးကို ပျက်လိုပျက်စီး လုပ်ချင်မှာမဟုတ်ဘူး။ ဒီအလုပ်မျိုးက နအဖတွေပဲ လုပ်လေ့ရှိတာပါ။ အရင်ကလည်း ရန် ကုန်လိုမြို့ကြီးတွေမှာ ဗုံးပေါက်ကွဲမှုတွေ ဖန်တီးနေပြီး တခါမှ တရားခံ ဖမ်းမမိခဲ့ဘူး။ နအဖဟာ ကိုယ်ကိုးကွယ်တဲ့ ဘုန်းကြီးကို တောင် သတ်ဝံ့သေးတာပဲ။ သူ့အတိုက်အခံဖြစ်တဲ့ ကေအဲန်ယူကို အခုလို ရွေးကောက်ပွဲ နီးလာတော့ နာမည်ဖျက်တဲ့သဘော လည်း ပါနိုင်တယ်”ဟု ဆက်ပြောသည်။
ကရင်၊ ပအိုဝ်း၊ ဗမာ၊ ရှမ်း၊ တရုတ်နှင့် မွတ်ဆလင်မ်ဘာသာဝင်များ နေထိုင်လျှက်ရှိသည့် အဆိုပါဖာပွန်မြို့ပေါ်တွင် နအဖ စစ် တပ်မှ ခမရ ၃၄၀၊ ၃၄၁၊ ၄၃၄နှင့် တိုးတက်သောဗုဒ္ဓဘာသာ ကရင်အမျိုးသားတပ်မတော်(ဒီကေဘီအေ) (၇၇၇)မှ ကဆော ၀ါးတပ်ရင်းတို့ အခြေချလှုပ်ရှားလျှက်ရှိကြောင်း သိရသည်။
ပြီးခဲ့သည့် နိုဝင်ဘာလ ၁၁ရက်နေ့ကလည်း ဖားအံ-ရွှေဂွန်းသွားလာသည့် ခရီးသည်တင်သင်္ဘောတစင်းအား ကေအဲန်ယူတပ် ဖွဲ့ဝင်များက လက်နက်ငယ်များဖြင့် ပစ်ခတ်ခဲ့ရာ ခရီးသည် သုံးဦးသေဆုံးပြီး နှစ်ဦး ဒဏ်ရာရရှိခဲ့သည်ဟု စစ်အစိုးရပိုင်သတင်း များက ဖော်ပြခဲ့သည်။
Labels: news
ပိုးကျသဖြင့် စပါးအထွက်နှုန်းလျော့နည်းလာ
ဒီဇင်ဘာလ ၁၅ရက်။ စောသိန်းမြင့်(ကေအိုင်စီ)
ကရင်ပြည်နယ် ကော့ကရိတ်မြို့နယ် ကြိတ်ကျေးရွာ၌ ယခုနှစ်တွင် စပါးမရိတ်သိမ်းမီကာလ တွင် စပါးပိုးကျသောကြောင့် ယခင်နှစ်များထက် စပါးထွက်နှုန်း လျော့နည်းလာသည်ဟု ရွာ သားများ၏ ပြောပြချက်အရ သိရသည်။
ကြိတ်ကျေးရွာမှ လယ်ဧကတချို့သည် ယခင်နှစ်များတွင် စပါးတင်း ၁၀၀ ထွက်သည့် လယ် တကွက်မှာ ယခုနှစ် ဒီဇင်ဘာလ စပါးထွက်သည့်ရာသီတွင် ၇၀တင်းမျှသာ အထွက်နှုန်းရှိသည် ဟု ကြိတ်ရွာသားတဦးက ယခုလို ပြောသည်။
၎င်းက “ဒီနှစ်မှာ စပါးအထွက်နှုန်း လျော့နည်းလာတယ်။ ဘာဖြစ်လို့ဆိုရင် စပါးမရိတ်သိမ်းခင် မှာ ပိုးတခေါက်ကျတယ်လေ။ အဲဒီပိုးဟာ မရင့်သေးတဲ့ စပါးသီးတွေကို ကိုက်စားလိုက်လို့ တင်း ၁၀၀ထွက်ရမယ့် လယ်က ဒီနှစ်ကျတော့ တင်း ၇၀၊ ၇၀ကျော်လောက်ပဲ အများဆုံး ထွက်နိုင်တော့တယ်”ဟု ပြောသည်။
ကြိတ်ကျေးရွာသည် ယခုနှစ် စပါးထွက်နှုန်းလျော့နည်းလာသလို နှမ်းပင်၊ ပဲပင်များသည်လည်း ပင်စည်သန်အားကောင်းလွန်းပြီး အသီး၊ အဥတွင် အောင်မြင်နိုင်သည့် အလားအလာ အလွန် နည်းပါးနေသည်ဟုလည်း အဆိုပါရွာသားက ဆက်ပြောသည်။
ကြိတ်ကျေးရွာတွင် လယ်ကွင်းပေါင်း ၁၀၀ကျော်ရှိပြီး ယခု စပါးပိုးကျသည့် လယ်ကွင်းသည် ထက်ဝက်ခန့်ပင် မရှိကြောင်း၊ ကြိတ်ကျေးရွာ၌ စပါးတတင်းလျှင် ၂,၅၀၀ကျပ်၊ နှမ်းတတင်း လျှင် ၈,၀၀၀ထောင်ကျပ်၊ ပဲတတင်းလျှင် ၁,၅၀၀မှ ၂,၀၀၀ကျပ် ဈေးနှုန်းရှိသည်ဟု ကေအိုင်စီ က စုံစမ်းသိရှိရသည်။
ကရင်ပြည်နယ်မြောက်ပိုင်း တောင်ငူခရိုင် ထန်းတပင်မြို့နယ်ဘက်တွင်လည်း ယခုနှစ်တွင် မိုး နည်းသည့်အတွက် စပါးထွက်နှုန်း သုံးပုံတပုံခန့် လျော့နည်းလာသည့်အပြင် လာမည့်နှစ်တွင် လယ်သမားများ စားဝတ်နေရေးပြဿနာများနှင့် ရင်ဆိုင်ရနိုင်သည်ဟု ဒေသခံလယ်သမားများ က ပြောကြသည်။
Labels: news
လူ့အခွင့်အရေး လမ်းလျောက်ချီတက်ပွဲ သြစတြေးလျားတွင် ပြုလုပ်
ဒီဇင်ဘာလ ၁၅ရက်။ စောကျော်ခွိ (ကေအိုင်စီ)
လူ့အခွင့်အရေးအတွက် လမ်းလျှောက်ချီတက်ပွဲတရပ်ကို သြစတြေးလျားနိုင်ငံ၊ ဆစ်ဒနီမြို့ မန် လီ(Manly)ပင်လယ်ကမ်းခြေတွင် ဒီဇင်ဘာလ ၁၃ရက်နေ့က ပြုလုပ်ခဲ့ကြရာ လူပေါင်း ၈၀၀ ကျော် ပါဝင်ခဲ့သည်ဟု သိရသည်။
အဆိုပါ လမ်းလျှောက်ချီတက်ပွဲတွင် မြန်မာ၊ တိဘက်၊ တရုတ်၊ ဖာလန်ဂေါင်၊ ဆူဒန်၊ ပါကစ္စ တန်နှင့် သြစတြေးလျားနိုင်ငံသားများက Manly ကမ်းခြေကို လှည့်ပတ်ချီတက်ကြပြီး မိမိတို့ လူမျိုးများ၏ ဖိနှိပ်မှုခံနေရသော လူ့ဂုဏ်သိက္ခာ၊ အခွင့်အရေးများအတွက် ပိုစတာများ ကိုင် ဆောင်လျှက် ချီတက်တောင်းဆိုနေကြသည်ဟု သိရသည်။
လမ်းလျှောက်ချီတက်ပွဲတွင် ပါဝင်ခဲ့သူ ဘားမားကမ်ပိန်းတာဝန်ခံ ဒေါက်တာမြင့်ချိုက “မြန်မာ နိုင်ငံမှာ လက်ရှိ နိုင်ငံရေး အကျဉ်းသား(၂၀၀၀)ကျော်ရှိတယ်။ ဒေါ်အောင်ဆန်းစုကြည်နဲ့ နိုင်ငံ ရေးအကျဉ်းသားတွေ အကုန်လုံးလွတ်မြောက်ဖို့အတွက် အရေးကြီးပါတယ်။ ဒေါ်အောင်ဆန်း စုကြည်နဲ့ မြန်မာနိုင်ငံသားတွေဟာ နိုင်ငံတကာရဲ့ အကူအညီယူပြီးတော့ မြန်မာနိုင်ငံမှာ လူ့ အခွင့်အရေးတွေ ပြန်လည်ထွန်းကားအောင်လုပ်ဖို့ တောင်းဆိုထားပါတယ်”ဟု ပြောသည်။
မိနစ်(၃၀)ကြာမြင့်သည့် အဆိုပါချီ်တက်ပွဲအပြီးတွင် လူမျိုးအသီးသီးက လူ့အခွင့်အရေး ချိုး ဖောက်မှုနှင့် ပတ်သက်၍ ဟောပြောခြင်း၊ တိဘက်အကများ၊ တရုတ်ဖာလန်ဂေါင်အကများဖြင့် ဖျော်ဖြေတင်ဆက်ခဲ့ကြသည်။
အဆိုပါ လမ်းလျှောက် ချီတက်ပွဲအခမ်းအနားကို မွန်းလွဲ ၁နာရီမှ ညနေ ၃နာရီ ပြုလုပ်ကြပြီး ထိုအခမ်းနားသို့ ကမ္ဘာ့လှည့်ခရီးသည်များက စိတ်ဝင်တရား မေးမြန်းမှုများ လုပ်ဆောင်နေကြသည်။
Labels: news
Subscribe to:
Posts (Atom)
